கல்யாண் - சாகரன்

நேற்று சுடர் பற்றி அவரிடமிருந்து ஒரு மடல். இன்று காலையில் அவரது மரணச் செய்தி.

அவர் சமீபத்தில் சென்னைக்கு வந்திருந்த போது, வலைப்பதிவர் சந்திப்பில் பார்த்து, பின்னர் மின்னஞ்சல் மூலமாக தொடர்பு தகவல்கள் பரிமாறிக் கொண்டு தொலைபேசியில் பேசிக் கொண்டிருந்தோம்.

'தமிழ் மணத்தைப் போலவே இன்னொரு திரட்டி என்றால் தேவையில்லை. மாறுபட்ட விதமாக ஒரு களத்தை உருவாக்குங்கள் என்று காசி சொன்னார்' என்று தேன்கூட்டு ஆரம்பத்தைச் சொல்லி விட்டு, பெட்டகம், சார்பு நிலை குறித்த குற்றச் சாட்டுகள் என்று பேசிக் கொண்டிருந்தார்.

'நீங்கள் ரியாத் வரும் போது ஒரு வலைப்பதிவர் கூட்டம் போட்டு விடுவோம்' என்ற வாக்குறுதியை நிறைவேற்ற அவர் இருக்க மாட்டார். தொலைபேசி உரையாடலின் இடையில் தன் மகளின் குறுக்கீட்டுக்கு மதிப்பு அளித்து இடைவெளி விட்டு தொடர்ந்தார். அந்தக் குட்டிப் பெண்ணுக்கு அவர் இல்லாமல் போய் விட்டார்.

அவரது குடும்பத்துக்கு ஆழ்ந்த அனுதாபங்கள். கடவுள், தான் அதிகமாக நேசிப்பவர்களை சீக்கிரமாக அழைத்துக் கொள்கிறார் போலும்.