"உலகத்" தமிழ்ச் செம்மொழி மாநாடு புறக்கணிப்பு - 3

செம்மொழி மாநாடு - ஏன் வரவேற்க வேண்டும்?

1. தமிழ் செம்மொழி என்பதிலோ, தமிழுக்கு மாநாடு நடத்துவதிலோ யாருக்கும் மாற்றுக் கருத்து கிடையாது.
   
   
2. 2009ம் ஆண்டிலும் அதன் பிறகும் தொடர்ந்து தமிழ் ஈழத்தில் நடந்து வரும் இனப் படுகொலைகளை, இன அழிப்பை தடுக்க நடவடிக்கைகள் எடுக்காமல் தமிழ் நாட்டில் அதிகாரம் செய்து கொண்டிருக்கும் கருணாநிதிக்கு 'உலகத் தமிழ்', 'செம்மொழி தமிழ்' என்று மாநாடு நடத்த வெட்கமாக இருக்க வேண்டும்.
   
   
3. அப்படியே 'அன்றைக்கு என்னால் எதுவும் செய்ய முடியவில்லை, கையாலாகாதவனாகத்தான் இருக்க முடிந்தது. ஏதாவது செய்திருந்தால் ஜெயலலிதா ஆட்சி அமைத்திருப்பார். அதனால் நான் தொடைநடுங்கியாக இருந்து விட்டேன்' என்று சொன்னால் அந்த வெட்கத்திலாவது இது போன்று 'உலகத் தமிழ்' மாநாடு என்று நடத்தத் துணியக் கூடாது.
   

புறக்கணிப்பும், எதிர்ப்பும் தமிழுக்கும் மாநாட்டுக்கும் இல்லை. லக்கிலுக்
தெளிவாகச் சொல்வது போல 'உலகத் தமிழினத்துக்கு பச்சைத் துரோகம் செய்த கருணாநிதி
நடத்துவதால்தான் புறக்கணிப்பு'.

பணமும், அதிகாரமும், ஊடக ஆதிக்கமும் தாரை தப்பட்டைகளோடு சத்தம் போட்டாலும்,
நேர்மையுடனும் உண்மையுடனும் ஒரு சிலராவது தமது உணர்வுகளை பதிவு செய்வது அவசியம்
என்ற நோக்கில்தான் இந்த புறக்கணிப்பு பதிவுகள்.

வரலாற்றில் நாமெல்லாம் புழுக்களாக பதிவு செய்யப்பட்டாலும் கொஞ்சம் துடித்தோம் என்று
புரிந்து கொள்ளட்டும்.