தமிழ் செம்மொழி மாநாடு புறக்கணிப்பு

தமிழகம் இழைத்த துரோகம்

பின்னூட்டத்தில் தமது உணர்வுகளை தெரிவித்த நண்பர்களுக்கும், தனியாக பதிவிட்டு தானும் புறக்கணிக்கப் போவதாகச் சொன்ன செல்லமுத்து குப்புசாமிக்கும், இன்னும் மாநாட்டு புறக்கணிப்பில் ஒப்புதல் உடைய பிற நண்பர்களுக்கும்

இந்தத் தமிழ்மாநாடு புறக்கணிப்பை இன்னும் கொஞ்சம் முனைப்பாக செய்ய முடிவெடுத்துள்ளேன்.

1. நம்முடைய தொடர்பில் இருப்பவர்களுக்கு மின்னஞ்சல் அனுப்பி, அவர்களையும் மாநாட்டைப் புறக்கணிக்கக் கேட்டுக் கொள்ளலாம்.
2. நமது வலைப்பதிவுகளில் புறக்கணிப்பு அறிவிப்பு செய்து மற்றவர்களையும் அதே போல அறிவிக்கும் படி கேட்டுக் கொள்ளலாம்.

நான் அப்படி செய்யும் முயற்சிகளை தொடர்ந்து பதிந்து வருகிறேன்.

பின்னூட்டத்தில் ஒத்த உணர்வு தெரிவித்த நண்பர்கள்.
1. ராஜநடராஜன்
2. யெஸ் பாலபாரதி
3. கோவி கண்ணன்
4. குழலி
5. நந்தா
6. தகடூர் கோபி
7. சீனு
8. நாஞ்சில் பிரதாப்
9. பெயரிலி
10. சவுக்கடி (யார் என்று தெரியவில்லை????)
11. bala
12. nt

பின்னூட்டத்தில் மாற்றுக் கருத்து தெரிவித்தவர் - யுவகிருஷ்ணா
அவரையும் கட்சி பேதங்களைத் தாண்டி தமிழ் உணர்வை வெளிப்படுத்த புறக்கணிப்பில் கலந்து கொள்ளும்படி கேட்டுக் கொள்கிறேன்.

நமக்கு கட்சி சார்பு, தனி நபர் சார்பு அதிகம். சில அடிப்படை கொள்கைகளை வைத்து அதன்படி செயல்படுவது அதை விடச் சிறந்தது.

யாருமே (நம்மையும் சேர்த்து) always யோக்கியமில்லை. ஒரு கட்சி, ஒரு தலைவர் என்று அடையாளப் படுத்திக் கொள்ளும் போது, அந்தக் கட்சி, அந்தத் தலைவர் செய்வது எல்லாவற்றையும் நியாயப்படுத்த வேண்டிய கட்டாயம். நமது மனதுக்கு தவறு என்று பட்டாலும், அதை வெளியில் சொல்ல முடியாத கட்டு.

அதைத் தவிர்த்து விட்டால், குழப்பம் கொஞ்சமாவது குறையும். நமக்கு நாமே தலைவர், நமது நிலைப்பாடுகள் நமது கட்சி அவ்வளவுதான். மனதறிந்து உண்மையாக பேசி நடந்து கொள்ள முடியும். தலைவர்களுக்கும் கட்சிகளுக்கும் ஆயிரம் நெருக்கடிகள், நிர்ப்பந்தங்கள். அதற்கெல்லாம் நாம் கொடி பிடித்துக் கொண்டே இருக்க முடியுமா!

தனி உரையாடலில் விளக்கம் கேட்ட நண்பரையும் புறக்கணிப்பில் சேர்ந்து கொள்ள அழைக்கிறேன்.